Jazýshylar odaǵynda ult sportyn damytqandar ulyqtaldy

Belgili aqyn-jazýshylar, óner adamdary men ultymyzdyń abyroıyn asqaqtatqan dańqty sportshylarymyzdy bir shańyraq astyna jınaǵan merekelik kesh kóptiń kóńilinen shyqty, dep habarlaıdy «Alaman» sport agenttigi.

Kúni keshe aıaqtalǵan London Olım­pıa­dasynda elimizdiń sport­shylary tolaǵaı tabysqa qol jetkizip, qazaqtyń ánuranyn jeti ret shyrqatyp, Kók Týy­myzdy 13 márte jelbiretti. Mundaı aıtý­ly jeńiske bizdiń órenderimiz buǵan deıin birde-bir ret qol jetkizip kórgen emes. Sóz joq, London tórindegi taby­sy­­myz sport salasynda ter tókken aǵa býyn ókil­deriniń de eńbeginiń jemisi deýge bo­lady. Óıtkeni Ábilseıit Aı­ha­nov, Se­rik Qonaqbaev, Aısara Kerim­be­ko­va, Jaqsylyq Úshkempirov, Ámın Tuıa­qov, t.b. qazaq sportynyń ardagerleri ós­keleń ur­paqqa úlgi-ónege kórsetti. Jel­kildep ós­ken jas óren osy aǵa-apaı­laryna qa­rap boı túzedi, boılaryna qaı­rat jınap, ulttyq rýhtyń asqaq­tyǵyn sezindi.
Qazaqstan Jazýshylar odaǵynyń Áde­bıetshiler úıinde ótken keshtiń maq­saty da osy urpaqtar arasyndaǵy jal­ǵas­tyqty saqtaı otyryp, sportshylar men óner adamdary arasynda úzilip bara jat­qan baılanysty ornyqtyrý edi. Esimderi elge tanylǵan arqaly aqyndar sahnaǵa shyǵyp, qazaqy rýhty asqaqtatar aryndy jyrlaryn oqyp, qazaqy úndi ánshiler jınalǵan jurtqa ánderin tartý etti. Kesh­ke elimizdiń namysyn aby­roı­men qorǵap júrgen sportshylarmen qa­tar, osy sa­la­nyń ardagerleri qurmetti qo­naq retinde sha­qyryldy. Atap aıtsaq, áı­gili túıe balýan Ábilseıit Aıhanov, sam­boshy Aı­sara Kerimbekova, talaı ja­rysta olja sal­ǵan jelaıaq aǵamyz Ámın Tuıaqov, kık­boks ónerin jetik meń­gerip, qazaqtyń er­júrek uly atanǵan El­murat Qaıyp­ja­nov, erejesiz jekpe-jek­tiń tarlanbozy Ar­daq Nazarov, boks she­beri Qanat Sı­qym­baev jáne basqa da sport­shylarymyz osy keshke arnaıy sha­qyrtyldy.