Jazýshy-jýrnalıst Sádibek Túgel jýrnalıstıka salasyndaǵy tájirıbesimen bólispek
ASTANA. QazAqparat - Qoǵamdy alǵa bastyrýdaǵy jýrnalısterdiń róli qandaı? Eldi damytýǵa jáne halyqtyń rýhanı baılyǵyn arttyrýǵa jýrnalısterdiń qosyp kele jatqan úlesi qansha? Táýelsizdik jyldarynda qazaq jýrnalıstıkasynyń qol jetkizgen tabysy qandaı? Ulttyq sport túrleriniń búgini men keleshegi. Mine, osy máseleler tóńireginde Qazaqstan Jazýshylar odaǵynyń múshesi, QR eńbek sińirgen qaıratkeri, jazýshy-jýrnalıst Sádibek Túgel óz oılarymen bólisedi.
Naqtyraq aıtqanda, 23 aqpan kúni Astana qalasyndaǵy «Abaı» qonaq úıininiń baspasóz zalynda Sádibek Túgel buqaralyq aqparat quraldarynyń ókilderimen júzdesip, áriptesteriniń kókeıkesti suraqtaryna jaýap beredi.
Sonymen qatar, osy basqosý barysynda jazýshy-jýrnalısttiń «Astana hıkaıalary», «Astana baspasóziniń shejiresi» atty jańa kitaptarynyń tanystyrylymy ótedi. Kezdesý saǵat 15-00-de bastalady.
