Jazýshy Trýmen Kapote máıitiniń órtelgen kúli bássaýdada satyldy
ASTANA. QazAqparat - Amerıkalyq jazýshy, dramatýrg Týrmen Kapoteniń máıitiniń órtelgen kúli bássaýdada satyldy. Bul týraly senbide málim boldy, dep habarlaıdy CNN.
Arna derekterine sáıkes, saýda-sattyq 24 qyrkúıekte Julien úıinde ótti. Lottyń bastapqy quny 6000 dollar bolǵan, al saýda-sattyqta 45000 dollarǵa satyldy. Ony alýshynyń kim ekeni aıtylmaı otyr.
Aýktsıon úıiniń basshysy Darren Djýlıenniń aıtýynsha, Reseı, Germanııa, Qytaı, AQSh jáne Ońtústik Amerıkadan qyzyǵýshylyq tanytqandar bar.
Buryn ol jazýshynyń jaqyn dosy Djonnı Karsonnyń áıeli Djoan Karsonnyń ıeliginde bolǵan. Karson 2005 jyly, zaıyby 2015 jyly kóz jumdy. Otbasylyq juptyń barlyq múlki, máıitiniń kúli bássaýdaǵa qoıyldy.
Trýmen Kapote 1924 jyly týǵan. Onyń belgili týyndylarynyń biri - «Tıffanıdegi tańǵy as» novellasy. 1961 jyly ol osy ataýmen fılm túsirdi. Budan basqa, ol «Basqa daýys, basqa bólmeler» jáne «Salqynqandylyqpen adam óltirý» romandaryn, kóptegen áńgimeler men pesalar jazǵan. Kapote 1984 jyly Karsonov úıinde kóz jumǵan.
Foto: Nancy Kaye / AP
