Jazýshy Smaǵul Elýbaı: Tym bosańsyp ketpesek, az ýaqytta bul indetti de jeńemiz
ALMATY. QazAqparat – Jazýshy, kınodramatýrg, Qazaqstan Jazýshylar odaǵynyń múshesi, Qazaqstannyń eńbek sińirgen qaıratkeri Smaǵul Elýbaı almatylyqtardy engizilgen jeńildetýlerge qaramastan, sanıtarlyq talaptardy saqtaýdy jalǵastyrýǵa jáne jaqyn jandarǵa qamqor bolýǵa shaqyrdy, dep habarlaıdy QazAqparat tilshisi.
«Qazaqstanda indettiń taraý qarqyny báseńsidi. Bul jaǵdaı eńsemizdi kóterip, úmitimizge úmit jalǵady. Іndettiń taraý aýqymy tarylyp keledi. Osy baǵytta Úkimet, ákimdikter, dárigerler úlken jumys atqardy, aqparat quraldary arqyly nasıhat júrgizildi. Іndetti birjolata qurtýǵa az ýaqyt qaldy dep oılaımyn. Almatylyqtardy osy indetti birjolǵa jeńýge azǵantaı ýaqyt qalǵanda bosańsymaýǵa shaqyramyn. Eń bastysy – bosańsymaý kerek!», – deıdi Smaǵul Elýbaı.
Sonymen qatar, ol ózge de saqtyq sharalaryn ustanyp, halyq kóp jınalatyn oryndarǵa barmaý kerektigin aıtty. Bul sharalar jaqyn adamdardyń ómirin saqtaýǵa múmkindik beredi.
Aıta keteıik, memlekettik komıssııanyń sheshimimen 17 tamyzdan bastap, Qazaqstanda karantın sharalaryn kezeń-kezeńimen alyp tastaý jospary bekitilgen bolatyn.
