Jazýshy-stsenarıst Sergeı Lýkıanenko «Jańa barlaýshy» atty kitapty jazý ústinde

Bul jaıynda ol Almatydaǵy «Uly Jibek jolymen» atty kitap jármeńkesi barysynda aıtty.

Jazýshy bir kezderi «Barlaýshy» kitaptarynyń avtory atanýdan jalyqqandyǵyn da atap ótti. Sonymen qatar ol serııalyq bul týyndylardyń ekranǵa shyǵýy ómirinde mańyzdy oqıǵaǵa aınalǵandyǵyn, sondyqtan osy shyǵarmaǵa erekshe mán beretindigin jetkizdi.

S.Lýkıanenko sondaı-aq eki-úsh jyl buryn aıtylyp júrgen qazaqstandyq «Altyn jaýynger» jobasynan ketip qalǵandyǵyn aıtyp ótti. «Bul jobadan ketý sebebim stsenarııdiń túpnusqasyn asa kóp ret qaıta kóshirýge týra keldi», -deıdi ol. Onyń aıtýynsha, qazir bul joba toqtaýda, degenmen stsenearıst bastapqy ıdeıa boıynsha túsirilimdi qolǵa alatyn bolsa onda bul jumysqa oralýǵa daıyn ekendigin aıtty.

Sondaı-aq Almatyda týǵan jazýshy jastyq shaǵy ótken osy qalada ózin jaqsy sezinetindigin bildirdi. «Men Almatyda bolmaǵanyma 6 jyldaı bolyp qaldy, qazir qalanyń qatty ózgergenine tańdana qaraýdamyn. Jańa ǵımarattar men kólik jol aıyryqtary boı kótergen», - dep atap ótti óz sózinde jazýshy.