Jazýshy muraty - elge qyzmet

Eldiń eńsesin túzep, ultty uly isterge uıytýǵa úles qosatyn Qazaqstan jazýshylarynyń kezekti quryltaıyna Qazaqstan Respýblıkasynyń Prezıdenti Nursultan Nazarbaevtyń joldaǵan quttyqtaý hatyn Memlekettik hatshy Muhtar Qul-Muhammed qazaq dalasy­nyń shartarabynan jınalǵan jazýshy qaýymǵa oqyp berip, qalam ustaǵan qaýymnyń el irgesin bekemdeý jáne ár alýan ulttan quralǵan buqara qaýymdy baýyrlastyrý jolyndaǵy eńbekterine Elbasy atynan alǵys sezimin bildirdi. Sonymen qatar, Memlekettik hatshy taıaý ýaqytta memlekettik tapsyryspen jazylatyn týyndylarǵa jáne jazýshy­lar­ǵa bólinetin qalamaqynyń eń tó­mengi somasy bekitiletindigin, barlyq týyndylardyń Qazaqstan Jazýshylar odaǵynyń qabyrǵasynda talqylaýdan ótkennen keıin ǵana baspalarǵa jol tar­tatyndyǵyn jáne basqa da odaq tó­ńi­reginde qordalanyp jatqan másele­ler boıynsha jaqyn kúnderde jazý­shy­larmen arnaıy keńes ótkizetindigin jetkizdi.
Qazaqstan jazýshylarynyń quryl­taı­yn saltanatty túrde ashqan Ja­zý­shy­lar odaǵynyń hatshysy Nurlan Orazalın baýyrlas Túrkııa, Reseı, Ázer­baıjan, Belarýs, Qyrǵyzstan ja­zý­shylar odaqtary atynan quttyqtaý hattary kelip túskenin málimdedi.

Quryltaıdyń saltanatty ashylý rásiminen keıin sóz alǵan Memlekettik syılyqtyń laýreaty, akademık Serik Qırabaev ádebıetimizdiń aqsaqaly retinde qoǵamdaǵy jazýshynyń róli, jańa zamannyń jasampaz keıipkerin qalyp­tas­tyrý, jazýshylardyń jeke sheber­ha­nasy men jan dúnıesi haqynda, jalpy shyǵarmashylyq eńbektiń ystyq-sýyǵy týraly keń maǵlumatty qamtıtyn keleli oıyn kórkem túıindedi.

Qazaqstan Jazýshylar odaǵynyń osy quryltaıǵa deıingi atqarǵan eń­be­gin saralaıtyn Baqylaý-tekserý komıs­sııa­synyń esebin belgili aqyn Aıan Nysanalın jasady. Sondaı-aq, qazaq poezııasynyń búgingi aıaq alysy jaıly aqyn Israıl Saparbaıdyń, proza sek­tory boıynsha atqarylǵan sharýalar jóninde Turysbek Sáýketaevtyń jáne Qazaqstandaǵy orys ádebıeti týraly atalmysh sektsııanyń jetekshisi Lıýbov Shashkovanyń qosymsha baıandamalary tyńdaldy.

Eki quryltaı arasynda Qazaqstan Ja­zýshylar odaǵynyń atqarǵan is-sha­ra­lary týraly Qabdesh Jumadilov, Muh­tar Shahanov, Aqushtap Baqty­gere­eva, Iran-Ǵaıyp, Tursynbek Kákishev, Orazbek Sársenbaev, Beksultan Nurje­ke, Qoǵabaı Sársekeev sekildi elimizdiń belgili aqyn-jazýshylary óz pikirlerin kúlli jazýshylar aldynda kóppen bólisti.

Osy jıynda Qazaqstan jazý­shy­larynyń HІV quryltaıyna qatysýshy­lar­dyń úndeýi qabyldanyp, ult áde­bıetiniń, sondaı-aq Táýelsiz Qazaqstan ádebıetiniń qalyptasýyna tolaıym úles qosqan S.Qırabaev, Á.Nurpeıi­sov, Sh.Murtaza sekildi aldyńǵy lek ja­zýshylarynan quralǵan Aǵalar alqa­synyń quramy da bekitildi.
Qazaq ádebıetiniń arǵy-bergi máse­le­si men keleshek baǵdaryn sarapqa salǵan quryltaıda Qazaqstan Jazýshy­lar odaǵy Basqarmasy men Baqylaý-tek­serý komıssııasynyń quramy saı­lanyp, barsha jazýshylar biraýyzdan quryltaı qaýlysyn qabyldady. Jıyn sońynda Basqarmanyń alǵashqy plený­my ótkizilip, ony belgili aqyn Qalıhan Ysqaq júrgizip otyrdy. Plenýmda Qa­zaqstan Jazýshylar odaǵynyń hatshy­sy qyzmetin odan ári atqara beretin bolyp aqyn Nurlan Orazalın saılansa, onyń birinshi orynbasary Ǵalym Jaılybaı jáne orynbasarlary bolyp Maraltaı Raıymbekuly men Janarbek Áshimjan saılandy.

Qazaq eliniń jazýshylary bas qos­qan keleli jıynǵa Mádenıet jáne aq­parat vıtse-mınıstri Arman Qyryqbaev qatysyp otyrdy.

«Egemen Qazaqstan» gazeti, 2012 jylǵy 25 qyrkúıek.