Jazýshy Mılan Kýndera ómirden ozdy

ASTANA. QazAqparat – 95 jasqa qaraǵan shaǵynda cheh týmasy Frantsııa jazýshysy Mılan Kýndera qaıtys boldy. Ol - XX ǵasyrdaǵy uly roman jazýshylardyń biri edi, dep habarlaıdy QazAqparat VVS News agenttigine silteme jasap.

Kóp jyl boıy Kýndera Nobel syılyǵyna laıyq sanaldy, biraq ony ala almady.

Alaıda, oqyrmannyń shyn yqylasyna ıe boldy. Onyń kitaptary ondaǵan tilge aýdaryldy.

Ol Vladımır Nabokov, Ýmberto Eko, Horhe Lýıs Borhes jáne basqa da ıntellektýal jazýshylar sııaqty joǵary ádebı marapatqa ıe bolǵan joq.

Mılan Kýndera 1929 jyly Chehoslovakııanyń Brno qalasynda dúnıege keldi.

Kýndera fortepıanoda oınaýdy úırendi, bozbala kezinde Apollıner óleńderine án jazdy.

Mýzyka onyń ádebı týyndylarynda mańyzdy ról oınady.

Mılan Kýndera «Bolmystyń tózgisiz jeńildigi», «Ázil», «Qoshtasý valsi», «Ajalsyzdyq», «Asyqpaý», «Shynaıylyq» jáne taǵy basqa romandardyń avtory.