Jazýshy Marıanna Ýılıamson AQSh-taǵy prezıdenttik saılaýǵa túspek

ASTANA. QazAqparat – Amerıkalyq jazýshy Marıanna Ýılıamson senbi kúni 2024 jyly bolatyn AQSh prezıdentin saılaýǵa úmitker bolatynyn resmı málimdedi. Birneshe bestseller avtory 2020 jylǵy sátsiz naýqannan keıin ekinshi ret baq synap kórmekshi, dep habarlaıdy QazAqparat CNN-ge silteme jasap.

Qaıta saılanýǵa nıetti ekenin aıtyp qoıǵan, biraq áli resmı málimdeme jasamaǵan qazirgi prezıdent Djo Baıdenge qarsy Demokrattar partııasynan Ýılıamson úmitker bolady.

«Men buǵan deıin de prezıdent saılaýynda daýysqa túskenmin», - dep málimdedi Ýılıamson jaqtastaryna Vashıngtondaǵy naýqanyn bastaǵan kezde.
Ýılıamson shamamen 20 mınýt sóıledi, úmitker ekonomıkalyq jáne áleýmettik ádiletsizdikke, sondaı-aq Vashıngtondaǵy jemqorlyqqa basymdyq berdi.
Demokratııalyq partııa atynan úmitker óziniń buǵan deıingi naýqanynda áleýmettik qorǵaý baǵdarlamalaryn keńeıtip, quldardyń urpaqtaryna tıgizgen zııan úshin ótemaqy tóleý kerek ekenin málimdegen.
Sonymen qatar Respýblıkalyq partııa músheleri de Baıdenmen kúresý múmkindigine kezekke turyp jatyr. Negizgi qarsylas – eks-prezıdent Donald Tramp.
Ońtústik Karolınanyń burynǵy gýbernatory jáne BUU-daǵy AQSh elshisi Nıkkı Heılı, bıotehnologııa jáne densaýlyq saqtaý salasynda jumys isteıtin kásipker Vıvek Ramasvamı AQSh prezıdentine úmitker retinde tirkelý jospary bar ekenin málimdedi.