Jazýshy, kınodramatýrg Talasbek Ásemqulov dúnıeden ótti
Jazýshy 1955 jyly 1 tamyzda Semeı oblysy Aıakóz aýdany Aqtoǵaı temirjol stansasynda dúnıege kelgen. 1976-1980 jyldary Almaty qalasy, Abaı atyndaǵy pedagogıka ınstıtýty fılologııa fakýltetinde bilim alǵan. 1980-1983 j.j. - Yqylas Dúkenuly atyndaǵy ult aspaptar mýzeıiniń ǵylymı qyzmetkeri. 1984-1987 j.j. - respýblıkalyq «Jazýshy» baspasynda ádebı redaktor. 1987-1998 j.j. - Qurmanǵazy atyndaǵy Almaty memlekettik konservatorııasy folklor kabınetiniń meńgerýshisi. 1998-2006 j.j. - respýblıkalyq «Juldyz» ádebı jýrnalynyń syn bóliminiń meńgerýshisi. Proza, stsenarıı jazýmen ınstıtýtta oqyp júrgen kezinen-aq aınalysqan.
Respýblıkalyq baspasózde «Ataıy», «Kári at», «Arylý» sııaqty áńgimeleri, «Shymdan» povesi jáne mýzykanttardyń ómirine arnalǵan «Taltús» romany jaryq kórgen. «Kókbalaqtyń ólimi», «Birjan sal», «Jeztyrnaq», «Almaty-Astana», «Tumar padısha» syndy kınostsenarıılerdiń avtory. Sondaı-aq respýblıkalyq baspasózde qazaq jáne orys tilinde túrli ádebıet, mádenıettaný taqyryptaryna arnalǵan birqatar maqalalary jaryq kórgen.
1973 jyly «Baıjigit kúıleri» atty jeke grand-dıski búkilodaqtyq «Melodııa» fırmasynan shyqty. «Máńgilik sary» antologııasyna 20-dan astam, «Qazaqtyń myń kúıi» (2009) antologııasyna 40-tan astam kúıi engen. 2010 jyly Parıjden «Táttimbettiń murasy» atty SD-dıski shyqqan.