Jazýshy Kamal Álpeıisovanyń «Aıtylmaǵan áńgime» atty prozalyq shyǵarmalar jınaǵy jaryq kórdi

Bul kitapqa avtordyń 21 áńgimesi enip otyr.

Máńgilik taqyryptardy arqaý etken qalamger týyndylary izgilikke, adaldyqqa úndeıdi. Kamaldyń jumbaq kúıde bastalatyn áńgimeleri sońynda baryp syryn ashqandaı bolady.

Osy kitapqa engen týyndylarynyń taqyryptary da «sóılep tur»! Aıtalyq, «Áıel baqyty nemese aıly tún sútteı appaq edi», «Perishteniń kóz jasy», «Perzenthana jyry», «Jıgýlı - taýdyń aty», «Aqsha bulttar álemi», «Shekara asqan saǵynysh», «Baqyt pen eles», «Joq izdegen Jupar» degen áńgimeleri oqyrmandy ózine eriksiz baýrap alady.

Shyǵarmalarda tanys-beıtanys keıipkerlerdiń minez-qulyqtary, is-áreketteri arqyly myna ómirdiń ǵajaby - sezimniń adaldyǵy, nıettiń tazalyǵy, adamdyq bet-beıneni saqtap qalý, tirshilikte kezdesetin syndardan abyroımen ótý degen oılarmen órnekteledi.

Qazaqstan Jazýshylar odaǵynyń múshesi, fılologııa ǵylymdarynyń kandıdaty, jazýshy, aýdarmashy Kamal Álpeıisova qasıetti Torǵaı óńiriniń týmasy. Qazaq memlekettik ýnıversıtetin bitirgen. Aıta ketý kerek, Kamal Ábilqasymqyzy elimizde ilespe aýdarma jasaýdy meńgergen alǵashqy bilikti mamannyń biri, respýblıkalyq «Úzdik aýdarmashy» baıqaýynyń tuńǵysh jeńimpazy. 20 jyldan astam Qazaqstan Respýblıkasy Parlamenti Senaty Apparatynyń Redaktsııalyq-baspa bóliminde konsýltant, sektor meńgerýshisi, bólim meńgerýshisiniń orynbasary qyzmetterin atqardy.

Búgingi tańda Qazaqstan Respýblıkasy Prezıdenti Ákimshiliginiń jaýapty qyzmetkeri.