Jazýshy-fantast Júnis Sahıevtiń shyǵarmashylyǵyna arnalǵan kitap kórmesi ótýde
ALMATY. 3 naýryz. QazAqparat /Áıgerim Ámir/ - Almatydaǵy Ulttyq kitaphanada «Qazaqstan kitaptary» oqý zalynda jazýshy-fantast Júnis Sahıevtiń shyǵarmashylyǵyna arnalǵan «Ǵylymı fantastıkaǵa jol salǵan» atty kitap kórmesi ótip jatyr.
Atalmysh kórmeniń maqstaty - oqyrmandar arasynda ádebıet janrlarynyń biri - fantastıkany keńinen nasıhattaý, - deıdi uıymdastyrýshylar.
Kórmege avtordyń táýelsizdik jyldary «Keńistik kóshpendileri» atty aıdarmen shyqqan 10 ǵylymı-fantastıkalyq romany qoıyldy. Olar: «Kosmotarıh kýási», «Marstan shyqqan jańǵyryq», «Kókten kelgen kóshpendiler», «Tirshilik uıasy», «Sholpanǵa kóshken aýyl», «Sheńberdiń túıisýi», «Sý áleminiń sazdary», «Jasampazdyq qıyrynda».
Sonymen qatar kórmeden jazýshynyń ómiri men shyǵarmashylyǵy jaıly ǵalymdar men ádebıet zertteýshileriniń aıtqan pikirleri, juldyzdy álem jónindegi baqylaý-zertteýleri oryn alǵan. Solardyń ishinde, belgili ádebıettanýshy, ǵalym Rahmanqul Berdibaev bylaı depti: «Júnis Sahıevtiń «Jańbyr jaýǵanda» ǵylymı-fantastıkalyq romanynda tabıǵattyń, jer men sýdyń, aýanyń júıesin buzyp, nysapsyzdyq, qunyqqandyq básekesine túsýshiliktiń qandaılyq apatqa ushyratý múmkindigi eskertilgen». Al, belgili ǵalym Aqjan Mashanov «Júnisti qazaq halqynyń adamdyq rýhanı qasıetimen, ozyq oıyn halyqaralyq arenada tanytatyn jazýshy fantast dep bilemin» - degen.
Kórme oqyrmandar úshin naýryz aıynyń 20-na deıin ashyq.
