Jazýshy Djoan Roýlıng sıqyrshy bala Garrı Potter týraly taǵy bir kitap jazýy múmkin
ASTANA. Qazannyń 2-si. QazAqparat - Álemge tanymal brıtandyq jazýshy Djoan Roýlıng sıryqshy bala Garrı Potter týraly taǵy bir kitap jazýy múmkin ekenin joqqa shyǵarmaıdy. Bul týraly ol ataqty amerıkandyq jýrnalıst Opra Ýınfrıge bergen suhbatynda málim etken,
dep habarlaıdy ITAR-TASS agenttigi.
Opranyń «Siz jańa roman jazasyz ba?» degen saýalyna bergen jaýabynda Roýlıng: «Jazbaımyn dep aıta almaımyn. Maǵan kitap jazǵan unaıdy, men óziniń kóńil-kúıimniń salamattyǵy úshin jazýym kerek», dep jaýap bergen.
Djoan Roýlıng sondaı-aq, sıqyrshy bala týraly toptamanyń sońǵy kitaby - «Garrı Potter jáne ajal tartýyn» jazyp bitirgen kezde, óz keıipkerine baýyr basyp qalǵany sonsha, jylap jibergenin moıyndady.
Buǵan deıin jazýshy, 2007 jyly sıqyrshy bala týraly toptamanyń jetinshi, sońǵy romanyn jarııalaǵannan keıin, Garrı Potter týraly kitaptardyń serııasyn tolyq aıaqtaǵanyn aıtqan edi.
