Jazýshy Dýlat Isabekov Sh. Aıtmatov atyndaǵy halyqaralyq syılyqtyń laýreaty atandy
Marapattaý rásimi osymen tórtinshi ret London qalasynda ótti. Bir aıta ketetin jaıt, bul joly saltanatty shara tuńǵysh ret eldiń Parlamenti ǵımaratynda boldy.
«Men baqyttymyn. Óıtkeni, bul Halyqaralyq syılyqty Qazaqstannyń táýelsizdigi kúni qarsańynda alyp turmyn» - dedi jazýshy.
D. Isabekovke bul syılyq óziniń «Ókpek jolaýshy» atty pesasynyń London teatrynda sahnalanǵany jáne tuńǵysh ret aǵylshyn tilinde «Gaýhartas» atty áńgimeler men povester jınaǵynyń jaryq kórgendigi úshin berildi.
Joǵary marapattqa ıe bolǵan jazýshy óz sózinde Qazaqstannyń táýelsizdik alǵannan bastap, ıadrolyq qarýdan bas tartqandyǵyn árdaıym maqtan tutatyndyǵyn jetkizdi.
«Elbasynyń bastamasymen Qazaqstanda búginde tilderdiń úshbirligi saıasaty júrgiziledi. ıAǵnı qazaq, orys jáne aǵylshyn tilderi oqytylady. Al bul, halqymyzǵa básekege qabiletti, ashyq, tolerantty bolýǵa múmkindik beredi» - dedi D. Isabekov.
Sonymen qatar, bıyl atalmysh marapatqa frantsııalyq jazýshy ári aýdarmashy Lılı Denı de ıe boldy. Ol Shyńǵys Aıtmatovtyń «Qosh bol, Gúlsary», «Aq keme» povesteri men «Kassandra tańbasy» romanyn frantsýz tiline aýdarǵan.
Atalmysh shara baronessa Meral Hýseın-Echeniń bastamasymen jáne Lordtar palatasynyń qoldaýymen uıymdastyryldy. Al «Samuryq-Qazyna» ulttyq ál-aýqat qory demeýshilik kórsetti. Aıta ketelik, «Samuryq-Qazyna» ulttyq ál-aýqat qory Shyńǵys Aıtmatov atyndaǵy halyqaralyq syılyqqa 2012 jyldan beri qoldaý kórsetip keledi.
