Jazýshy Dúkenbaı Dosjannyń shyǵarmashylyq jolyna arnalǵan «Kórkemsóz sheberi» atty ádebı kesh ótedi
ASTANA. 19 mamyr. QazAqparat - Erteń, 20 mamyr kúni, Elordadaǵy Ulttyq akademııalyq kitaphanada kórnekti jazýshy, Memlekettik syılyqtyń ıegeri jáne Muhtar Áýezov atyndaǵy ulttyq syılyqtyń laýreaty Dúkenbaı Dosjannyń shyǵarmashylyq jolyna arnalǵan «Kórkemsóz sheberi» atty ádebı kesh ótedi.
Osy shyǵarmashylyq keshtiń kirispesinde rejısser Qalıla Omarov túsirgen «Dúkenbaı joly» atty derekti fılm kórsetiledi.
Kesh barysynda jazýshynyń áriptester qalamgerleri sóz sóılep, oı-pikirlerin ortaǵa salady. Óner ıeleri osy basqosýdyń ajaryn kirgizip, án shyrqaıdy dep kútilýde.
Sonymen qatar Ulttyq akademııalyq kitaphana osy sharaǵa baılanysty jazýshynyń kitap kórmesin uıymdastyryp otyr. Onda Dúkenbaı Dosjannyń qoljazbalary, ana tilinde shyqqan eńbekteri jáne memlekettik marapattary qoıylady. Sondaı-aq jazýshynyń álem halyqtarynyń 22 tiline aýdarylǵan kitaptary da kórmeden oryn alady.
Aıta ketý kerek, «Qaı jerde qazaq ultynyń basyn tórge súıreý kerek bolsa - qajyrym men rýhym sonda!» degen maqsatty ustanǵan Dúkenbaı Dosjannyń qalamynan 11 roman, 22 hıkaıat, 100-ge tarta áńgime týǵan.
