Jazýshy bir sóılemi 223 bet bolatyn roman jazǵan
ASTANA. QazAqparat - Goldsmıt ýnıversıtetiniń ádebıet salasy boıynsha taǵaıyndaǵan syılyqqa ırlandııalyq Maık Makkormek ıe boldy. Onyń romany 223 bet bolatyn bir ǵana sóılemnen turady. «Solar Bones» dep atalatyn kitabynda ol Markýs Konveı esimdi ınjener týraly jazǵan, dep jazady Rosbalt.
Qazylar múshesiniń biri professor Bleık Morıssonnyń aıtýynsha, jazýshy qarapaıym adamnyń ómirin ádemi sýretteı bilgen. Jazýshy alǵan syılyqtyń kólemi 10 myń fýnt sterlıngti quraıdy.
51 jastaǵy jazýshy shyǵarmashylyqpen 20 jyl boıy aınalysyp keledi. Ol kólemdi marapatqa ıe bolǵan Irlandııanyń úshinshi jazýshysy bolyp tabylady. Syılyq 2013 jyldan beri taǵaıyndalyp keledi.
«Qazirgi oqyrmandar aqyldy. Olar osyndaı týyndylarǵa daıyn», - dep óz pikirimen bólisti Makkormek.
