Jazýshy, jýrnalıst Núrıddın Shámshiuly ómirden ótti
ASTANA. KAZINFORM — Jazýshy, jýrnalıst, Qazaqstan Jazýshylar odaǵynyń múshesi Núrıddın Shámshiuly ómirden ótti.
Qaraly habardy Qazaqstan jazýshylar odaǵy estirtti.
Núrıddın Shámshiuly 1949 jyly 8 sáýirde Túrkistan oblysy Ordabasy aýdanynda dúnıege kelgen.
1966 jyly Temirlan aýylyndaǵy Amangeldi atyndaǵy orta mektepti támamdap, sol jyly Shymkent pedagogıkalyq ınstıtýtynyń fılologııa fakýltetine oqýǵa túsken. Joǵary oqý ornyn 1970 jyly aıaqtaǵan.
Ol «Ordabasy ottary» gazetiniń redaktory retinde aýdannyń qoǵamdyq, rýhanı jáne mádenı ómirine qatysty maqalalar jazyp, óńirdiń damýyna óz úlesin qosyp keldi.
Qazaqstan Respýblıkasy bilim berý isiniń úzdigi, Ybyraı Altynsarın tósbelgisiniń ıegeri atanǵan.
Sondaı-aq Qazaqstan Táýelsizdiginiń 20 jáne 25 jyldyǵyna arnalǵan mereıtoılyq medaldarmen, 2021 jyly «Oblysqa sińirgen eńbegi úshin» medalimen marapattalǵan.
Prezıdent Qasym-Jomart Toqaevtyń Jarlyǵymen «Eren eńbegi úshin» medaline ıe bolǵan.
Eske salaıyq, buǵan deıin Halyq ártisi, professor Baqır Baıahýnov ómirden ótkenin habarlaǵanbyz.
