Jazýshy Dýlat Isabekov dúnıeden ozdy

ASTANA. KAZINFORM - Belgili jazýshy, dramatýrg, Memlekettik syılyqtyń laýreaty Dýlat Isabekov ómirden ótti. Bul týraly aqyn, Jazýshylar odaǵy tóraǵasynyń orynbasary Qasymhan Begmanov Facebook-tegi paraqshasynda jazdy. 

Жазушы Дулат Исабеков дүниеден озды
Фото: Ашық дереккөз

— Qaıran, Dýlat aǵam-aı, mynaý jaryq dúnıeden Sizdiń de ketkenińiz be? Osy qazir ǵana, 10-15 mınýt buryn Estııar Dýlatuly inishegim maǵan osynaý alapat qaıǵyly habardy jylap turyp jetkizdi.

Qazaqstan Jazýshylar odaǵynyń Tóraǵasy Mereke Ábdeshulyna, qalabasynyń tóńiregindegi jigitterge, basqa da el aǵalaryna qaraly habardy jetkizdim. Qazir ózim aǵamnyń úıine qaraı ketip bara jatyrmyn…

Iá, Qazaqstannyń Eńbek Eri, qazaq ádebıetiniń klassıgi, jazýshy-dramatýrg Dýlat Isabekov ómirden ótti. Qazaq halqyna qatty qaıǵyryp kóńil aıtamyn, - dep jazdy Qasymhan Begmanov. 

Dýlat Isabekov 1942 jyly Ońtústik Qazaqstan oblysy, Saıram aýdanynda týǵan. 1966 jyly Qazaq memlekettik ýnıversıtetin bitirgen. Jazýshy ár jyldary Qazaq KSR Televızııa jáne radıohabar jónindegi memlekettik komıtetinde aǵa redaktor (1967-1968), Qazaq Sovet entsıklopedııasy bas redaktsııasynda aǵa ǵylymı redaktor (1968-1970), «Juldyz» jýrnalynda bólim meńgerýshisi (1971-1976), «Jalyn» baspasynda redaktsııa meńgerýshisi (1976-1980), Qazaq KSR Mádenıet mınıstrligi repertýarlyq-redaktsııalyq kollegııanyń bas redaktory (1980-1988), Qazaq teledıdarynyń bas dırektory (1988-1992), «Jazýshy» baspasynyń dırektory (1992-1995), Qazaqstan Jazýshylar odaǵynyń hatshysy, QR Mádenıettaný ǵylymızertteý ınstıtýtynyń dırektory bolyp eńbek etken.

Eske sala keteıik, buǵan deıin jazýshy Muhtar Maǵaýınniń ómirden ótkenin habarlaǵan edik. 

Сейчас читают