Jazıra Japarqul aýyr atletıkadan jastar arasyndaǵy Álem chempıonatynyń kúmis júldegeri atandy
ALMATY. 9 mamyr. QazAqparat - Aýyr atletıkadan Perýdiń Lıma qalasynda ótip jatqan jastar arasyndaǵy Álem chempıonatynda keshe el qorjyna alǵashqy medal tústi.
Onda 69 kelige deıingi salmaqta baq synaǵan Jazıra Japarqul serpe kóterýde - 105, julqa kóterýde - 135 kelini kóterip, qossaıystyń qorytyndysy boıynsha 240 kelini baǵyndyryp kúmis júldeger atandy. Álem chempıony qytaılyq Hınıý Ýang (Xinyue Wang) cerpe kóterýde - 115, julqa kóterýde - 130 kelini kótergen bolatyn. Al úzdik úshtikti túıindegen týnıstik Gada Hassın serpe kóterýde - 101, julqa kóterýde - 121 kelini kóterip, qossaıys qorytyndysy boıynsha 222 kelini baǵyndyrdy.
Jazıra byltyrǵy Álem chempıonatynda serpe kóterýde - 106, julqa kóterýde - 133 kelini kóterip Álem chempıony, Azııa chemptonatynda qossaıys qorytyndysy boıynsha 232 kelimen (100+132) kúmis júldeger atanǵan bolatyn. Al 2011 jylǵy Álem chempıonatynda 13-shi oryn alyp, 2010 jylǵy jastar arasyndaǵy olımpıada oıyndarynda chempıon jáne Azııa chempıonatynda kúmis júldeni enshilegen edi.
