Jazıra Oraqbaeva Azııa chempıonatynyń qola júldegeri atandy

ASTANA. QazAqparat – Iordanııa astanasy Amman qalasynda bokstan ótip jatqan Azııa chempıonatynda Jazıra Oraqbaeva qola júldeger atandy, dep habarlaıdy QazAqparat tilshisi.

Jastar arasynda álem chempıonatynyń kúmis júldegeri Jazıra Oraqbaeva 52 kelige deıingi salmaqta jartylaı fınalda japonııalyq Rınka Kınosıtemen kúsh synasty.

Qos boksshy da jyldam judyryqtasyp, bir-birine kóbirek soqqy darytýǵa tyrysty. Birinshi jáne ekinshi raýndta tóreshiler basymdylyqty japonııalyq boksshyǵa berdi. Qorytyndy sheshim de ózgergen joq. Jeńis R.Kınosıteniń enshisinde.

Osylaısha, buǵan deıin óner kórsetken alty qazaqstandyq boksshynyń ekeýi ǵana fınalǵa shyǵyp, tórteýi qola júldeni qanaǵat tutty.

Keshki sessııada taǵy úsh qazaqstandyq boksshy rıngke shyǵady.

Eske salaıyq, búgin Azııa chempıonatynda 9 qazaqstandyq boksshynyń jartylaı fınaldyq jekpe-jekteri ótetinin jazǵan bolatynbyz.

Nazym Qyzaıbaı Azııa chempıonatyn qola júldemen aıaqtady.

Jaına Shekerbekova fınalǵa shyqsa, Mádına Nurshaeva «qolany» qanaǵat tutty.

Qazaqstan qorjynyna taǵy bir qola medaldi Lázzat Kúngeıbaeva alyp keldi.

Aqtyq jekpe-jekke shyǵatyn taǵy bir boksshymyz - Alýa Balqybekova.

Ashyq kózderden alynǵan foto