Jazǵy ýnıversıadadan jeńispen oralǵan Qazaqstan sportshylary marapattaldy
ASTANA. QazAqparat - Koreıanyń Kvandjý qalasynda ótken 28-shi Jazǵy ýnıversıada oıyndarynda Qazaqstan quramasy 146 eldiń ishinde 11-shi oryn ıelendi. Búgin Tuńǵysh Prezıdent kitaphanasynda osy oıyndarda el namysyn qorǵap, jeńispen oralǵan otandastarymyz marapattaldy. Jalpy, komandamyzdyń oıynshylary alty altyn jáne tórt qola júldege qol jetkizdi.
Sportshylardy marapattaǵan Mádenet jáne sport mınıstrligi Sport jáne dene shynyqtyrý komıtetiniń tóraǵasy Elsııar Qanaǵatov sońǵy jyldary Ýnıversıada oıyndarynda Qazaqstan aldyńǵy 10-20 komandanyń arasynda júrgenin jáne bul jaqsy jetistik ekenin atap ótti. «Jalpy, dúnıejúzilik Jazǵy jáne Qysqy ýnıversıada oıyndary -dárejesi men mártebesi boıynsha Olımpıada oıyndarynan keıin turatyn jarys. Jáne osyndaı úlken jarystarda Qazaqstannyń stýdentteri men jastary jyl saıyn medal sanyn kóbeıtip, týymyzdy jelbiretip júrgeni óte qýantady», - deıdi E.Qanaǵatov. 28-shi jazǵy Ýnıversıadada jerlesimiz - jeńil atlet Vıktorııa Zıabkına 100 jáne 200 metr qashyqtyqqa júgirýden qatarynan eki altyn medal jeńip alǵan. Estafetaǵa qatysqan ıÝlıa Rahmanova, Svetlana Ivanchýkova,Anastasııa Týlpanına men Vıktorııa Zıabkına birge Qazaqstannyń úshinshi altyn júldesin ıelendi. Sonymen qatar, syryqpen sekirýden Nıkıta Fıllıpov, taekvondo ónerinen Nursultan Mamaev jáne sýda júzgen Dmıtrıı Balandınder komandaǵa taǵy úsh altyn medal syılady. Dmıtrıı Balandın bul altyn júldesi arqyly Rıo Olımpıadasyna joldama utyp aldy.
Qola medal ıelerin atap ótsek, olar - Janar Qashqyn, Dmıtrıı Balandın, qyzdar arasynda komandamen stend atýdan Ásem Orynbaı, Jánııa Aıdarhanova, Angelına Mışýk, erler quramasyndaǵy stend atýdan Andreı Florov, Aleksandr ıAşenko, Vladımır Pochıvalovtar.
