Jazǵy Ýnıversıadada jeńiske jetken qazaqstandyq sportshylarǵa 3100 dollardan beriledi
ASTANA. 22 mamyr. QazAqparat - Qazaqstan Qazandaǵy jazǵy Ýnıversıadada onnan astam sport túrine qatysady, dep habarlaıdy Vesti.kz QR Stýdenttik sport federatsııasynyń bas hatshysy Jasnur Aqedilovke silteme jasap.
Qazandaǵy Ýnıversıada baǵdarlamasyna sporttyń 27 túri engizilgen, qazaqstandyqtar solardyń jartysyna qatysady. aýyr jáne jeńil atletıka, oq atý jáne semserlesý sekildi dástúrli sport túrlerinen basqa, bizdiń sportshylar belbeýmen kúres syndy saıysqa da qatysady.
Bul joly baǵdarlamaǵa golf pen sadaqpen atý qosylmaǵan. Biraq, bes jańa sport túri engen, olar: sambo, belbeýmen kúres, regbı-7, sýda mánerlep júzý jáne boks.
Qatysýshylardyń naqty sanyna keler bolsaq, olar áli belgilenbegen.
«Biz atletterdiń aldyn ala tizimin qurdyq, - dedi J.Aqedilov, - biraq, ony áli bekitý qajet. Aýys-túıister jáne túzetýler bolýy múmkin. Sońǵy tizim bir-eki aptadan keıin belgili bolady».
Sonymen qatar, Ýnıversıada chempıondaryna beriletin syıaqy belgili boldy. «Qazandaǵy oıyndardyń jeńimpazy 3100 dollar kóleminde syıaqy alady. Biz bul somany taǵy kóterýge tyrysamyz, bul másele sheshiledi me, joq pa, ázirge belgisiz», - dep málimdedi J.Aqedilov.
Sonymen qatar, jýyrda Reseıdegi Ýnıversıada chempıondaryna syıaqy mólsheri belgilendi. Osylaısha, «altyn» úshin oıyn ıeleri 168 myń rýbl, nemese shamamen 5420 AQSh dollaryn alady.
27-shi jazǵy Ýnıversıada Tatarstan astanasy Qazanda 6-17 shilde aralyǵynda ótetinin esterińizge salamyz. Osyǵan deıingi Qytaıdyń Shenchjeninde ótken oıyndarda Qazaqstan quramasy jalpykomandalyq synda 45-oryndy ıelengen bolatyn.
