Jazǵy ýnıversıadada sporttyq gımnastıkadan eki kúmis medal tústi

ASTANA. QazAqparat - Qytaıdyń Chendý qalasynda ótip jatqan HHHІ Jazǵy ýnıversıadada sporttyq gımnastıkadan Mılad Karımı men Narıman Qurbanov «kúmis» júldeger atandy, dep habarlaıdy QazAqparat tilshisi.

5 tamyzda sporttyq gımnastıkadan el quramasy qorjynyna eki kúmis medal tústi.

Aldymen Mılad Karımı sporttyq gımnastıkadan erkin jattyǵý boıynsha erler arasynda 14.300 ballmen ekinshi oryn aldy.

Birinshi oryn Kae Kadzýmege buıyrsa (14.333), úshinshi oryndy ıýońtústikkeorıalyq Rıý Sonhen (13.900) aldy.

Taǵy bir kúmis medalge Narıman Qurbanov qol jetkizdi. Kórsetkishi - 15.266 ball.

Birinshi oryndy Qytaılyq Taıbeıden kelgen Lı Chın-kaı alsa, úshinshi orynǵa sol eldiń ókili Shıao ıÝ Tszıan (14.933) qol jetkizdi.

Qazirge deıin Qazaqstan quramasy qorjynynda bir «altyn», jeti «kúmis,» segiz «qola» medal bar.

Eske salsaq, búgin Jazǵy ýnıversıadada taekvondoshylar el qorjynyna 14-shi medaldi saldy.