Jazǵy ýnıversıadada Mılad Karımı sporttyq gımnastıkadan chempıon atandy

ASTANA. QazAqparat - Qytaıdyń Chendý qalasynda ótip jatqan HHHІ Jazǵy ýnıversıadada sporttyq gımnastıkadan Mılad Karımı chempıon atandy, dep habarlaıdy QazAqparat tilshisi.

Qazaqstandyq atlet kermedegi saıystyń fınaldyq satysynda birinshi oryn aldy. Kórsetkishi - 14,800. Ekinshi oryndy qytaılyq Shı Sýn (14,600) alsa, úshinshi orynǵa japnııalyq Sýgımoto Kaıto (14,233) jaıǵasty.

Eske salsaq, budan buryn Mılad Karımı sporttyq gımnastıkadan erkin jattyǵý boıynsha erler arasynda 14.300 ballmen ekinshi oryn aldy.

Taǵy bir kúmis medalge at ústindegi saıysta Narıman Qurbanov qol jetkizdi. Kórsetkishi - 15.266 ball.

Aıta ketsek, budan buryn altyn medalge el quramasynan taekvondoshy Rıta Bakısheva (48 keli) ıe bolǵan edi.

Qazirge deıin qazaqstandyq sportshylar ýnıversıadada 19 medalge ıe boldy. Onyń ishinde ekeýi altyn, jeteýi kúmis, ony qola.