Jazǵy ýnıversıada: Jeti kúnde Qazaqstan qorjynyna 13 medal tústi
ASTANA. QazAqparat - Qytaıdyń Taıbeı qalasynda ótip jatqan Jazǵy ýnıversıadada qazaqstandyq sportshylar bir apta ishinde 13 medal enshiledi (3 - altyn, 4 - kúmis, 6 - qol).
Qazaqstanǵa «altyndy» aýyr atletshiler Albert Lınder (69 kelige deıin), Aıdar Qazov (77 keli) pen Denıs Ulanov (85 keli) alyp keldi.
Kúmis medaldardy júzýden Dmıtrıı Balandın (keýdemen 200 metrge júzý), taekvondodan Jansel Denız (73 keli), aýyr atletıkadan Rústem Sybaı (94 keli) men Karına Gorıchevalar (69 keli) enshiledi.
«Qola» dzıýdoshylar Rýstam Ybraevqa (60 keli), Bekadıl Sháımerdenov (73 keli) pen Otgontsetseg Galbadrahqa, sondaı-aq júzýden Dmıtrıı Balandınge (keýdemen 100 metrge júzý), Qazaqstannyń taekvondodan erler komandasyna jáne aýyr atlet Arlı Chonteıge (56 keli) buıyrdy.
Jalpy medaldar sany boıynsha Qazaqstan 14-inshi orynǵa ornalasyp otyr. Úzdik úshtik - Ońtústik Koreıa - 67 (26-17-24), Japonııa - 64 (25-17-22), qytaılyq Taıbeı - 53 (17-22-14).
