Jazǵy ýnıversıada: Qazaqstandyqtar taǵy 4 medal jeńip aldy

ASTANA. QazAqparat - Qytaıdyń Chendý qalasynda ótip jatqan HHHІ Jazǵy ýnıversıadada Qazaqstan sportshylary 4 medal jeńip aldy. Bul týraly Ǵylym jáne joǵary bilim mınıstri Saıasat Nurbek málim etti, dep habarlaıdy QazAqparat.

Búgin Qazaqstannyń Ýnıversıadadaǵy qorjyny 4 kúmis medalmen tolyqty. Atap aıtqanda, «qolany» shaǵyn kalıbrli vıntovkadan atýdyń sheberleri Konstantın Malınovskıı, Islam Sátpaev pen Shahtorın Nıkıta; tez atylatyn pıstoletten atý dıstsıplınasynda Chırıýkın Nıkıta aldy.

«Bul sportshylardyń ǵana emes, olardyń bapkerleriniń de ereń eńbegi. Jaraısyńdar!

Osy jigitterdiń jetistikteri arta bersin! Sportshylarymyzdyń árbir jeńisi eldi qanattandyrady», - dep jazdy mınıstr.

Eske salaıyq, keshe dzıýdoshy Suńǵat Jubatqan qola medal jeńip alyp, el qorjynyna alǵashqy medal salǵan bolatyn.

29 shilde kúngi jarystardy Qazaqstan medaldar kestesinde 14-orynmen aıaqtady.

Aıta keteıik, Jazǵy ýnıversıadaǵa 93 qazaqstandyq sporttyń 11 túrinen (sadaq atý; oq atý; jeńil atletıka; sporttyq gımnastıka; dzıýdo; kórkem gımnastıka; ústel tennısi; taekvondo; ý-shý; júzý; semserlesý) qatysyp jatyr. El quramasy elimizdiń 26 joǵary oqý ornynyń stýdentterinen jasaqtalǵan.