Jazǵy ýnıversıada: Qazaqstandyq taekvondoshylar el qorjynyna 14-shi medaldi saldy
ASTANA. QazAqparat - Qytaıdyń Chendý qalasynda ótip jatqan HHHІ Jazǵy ýnıversıadada taekvondodan komandalyq esepte el quramasy qorjynyna qola medal tústi, dep habarlaıdy QazAqparat tilshisi.
Abdýrahmon Marıpov, Beıbarys Qabylan, Beksýltan Musahan jáne Shamsat Dýısenov komandalyq jarysta úzdik úshtikti túıindedi.
Qazaqstandyq taekvondoshylar jartylaı fınalda Iran quramasynan jeńilip qaldy. Saldarynan «qola» medaldi qanaǵat tutty. Taǵy bir «qola» qytaılyq sportshylarǵa buıyrdy.
Ońtústik Koreıa sportshylary chempıon atansa, ırandyqtar ekinshi orynǵa jaıǵasty.
Qazirge deıin el quramasy qorjynynda 14 medal bar. Onyń 1-i altyn, 5-i kúmis, 8-i qola.
Jazǵy ýnıversıada 8 tamyzda máresine jetedi.
