Jazǵy ýnıversıada: Qazaqstan quramasynyń júlde qory taǵy eki medalmen tolyqty

ASTANA. QazAqparat - Qytaıdyń Chendý qalasynda ótip jatqan HHHІ Jazǵy ýnıversıadada el quramasy qorjynyna taǵy eki medal tústi, dep habarlaıdy QazAqparat tilshisi.

El quramasynan 2 tamyzda ýshý Beksultan Qoskenov (60 keli) erler arasynda jartylaı fınalda Ma Iıgýge 0:2 esebimen jol berip, qola júldeni qanaǵat tutty.

Al Aıgerim Tórehanova (60 keli) jartylaı fınalda túrkııalyq Berne Týtqa jeńilip qaldy.

Qazirge deıin qazaqstandyq sportshylar 13 medal aldy. Onyń ishinde 1 altyn, 5 kúmis, 7 qola bar.

Jazǵy ýnıversıada 28 shilde-8 tamyz aralyǵynda ótedi. Onda 10 sport túri boıynsha 90 qazaqstandyq synǵa túsip jatyr.

Qazaqstan quramasy medaldar ketesinde onynshy orynda keledi.

Qytaı quramasy 50 (30-10-10) medalmen kósh basynda tur. Odan keıingi oryndardaǵy Ońtústik Koreıanyń 39 (15-12-12), Japonııanyń 32 (14-8-10) medali bar.