Jazǵy ýnıversıada: Qazaqstan qorytyndy medaldar kestesinde qaı orynǵa ıe boldy
Qazaqstan quramasy dúbirli dodada barlyǵy 20 medal alyp, 20-orynǵa turaqtady. El quramasynyń enshisinde 2 altyn, 7 kúmis, 11 qola medal bar.
Medaldar kestesinde 1-oryn alǵan Qytaı sportshylary 178 medalǵa (103 altyn, 40 kúmis jáne 35 qola) ıe boldy. Odan keıingi oryndardaǵy Japonııa - 93 (21-29-43), Ońtústik Koreıa - 58 (17-18-23) medal aldy.
El quramasynan gımnast Mılad Karımı men taekvondoshy Rıta Bakısheva chempıon atandy. Sondaı-aq, Mılad Karımı taǵy bir saıysta «kúmis» alsa, dál osyndaı júlde onyń áriptesi Narıman Kýrbanov, sadaqshy Dıana Tursynbek, gımnastshy Eljana Tanıeva (eki márte), vıntovkadan 50 metr qashyqtyqta oq atýdan erler quramasy (Konstantın Malınovskıı, Islam Sátpaev, Nıkıta Shahtorın) jáne jeke atýda Nıkıta Chırıýkınge buıyrdy.
«Qola» júldegerler qatarynda gımnasshy Mılad Karımı men Eljana Tanıeva, taekvondodan erler quramasy (Abdýrahmon Marıpov, Beıbarys Qablan, Beksultan Musahan jáne Shamsat Dúısenov), 10 metrge vıntovkadan oqý atýdan erler quramasy (Malınovskıı, Sátpaev, Shahtorın), qylyshpen semserlesýden (Janat Nabıev, Nazarbaı Sattarhan jáne Artem Sarkısıan), dzıýdoshylar Bekarys Sádýaqas, Suńǵat Jubatqan jáne Asqar Narkulov, sýǵa júzýshi Ádilbek Mýsın, ýshý sportynan Beksultan Qaskenov jáne Aıgerim Tórehanova bar.
Aıta ketsek, Qazaqstan quramasy Jazǵy ýnıversıada oıyndaryna 1993 jyldan beri qatysyp keledi. Qazirge deıin barlyǵy 133 medalǵa ıe boldy. Onyń ishinde 24-i - altyn, 50-i - kúmis, 59-y - qola.
Jazǵy ýnıversıada oıyndarynda qazaqstandyqtar alǵan medaldar:
1993. Býffalo (AQSh) - 1 (0-1-0)
1995. Fýkýoka (Japonııa) - 2 (0-2-0)
1997. Sıtsılııa (Italııa) - 0 (0-0-0)
1999. Palma-de-Malorka (Ispanııa) - 0 (0-0-0)
2001. Beıjiń (Qytaı) - 3 (0-3-0)
2003. Tegý (Ońtústik Koreıa) - 6 (2-4-0)
2005. Izmır (Túrkııa) - 9 (1-2-6)
2007. Bangkok (Taıland) - 16 (5-4-7)
2009. Belgrad (Serbııa) - 7 (1-2-4)
2011. Shenchjen (Qytaı) - 6 (0-3-3)
2013. Kazan (Reseı) - 30 (3-11-16)
2015. Kvandjý (Ońtústik Koreıa) - 10 (6-0-4)
2017. Taıbeı (Qytaı Respýblıkasy) -16 (3-6-7)
2019. Neapol (Italııa) - 7 (1-5-1)
2023. Chendý (Qytaı) - 20 (2-7-11)
Endi 2025 jylǵy Jazǵy ýnıversıada Reın-Rýr aımaǵynda ótkiziledi.
