Jazǵy spartakıada jarystarynyń ótetin orny men merzimi belgili boldy
Qazaqstan kúres federatsııasynyń baspasóz qyzmeti taratqan málimetke sáıkes, bıyl elimizdiń Almaty, Semeı jáne Taldyqorǵan qalalarynda grek-rım, erkin jáne áıelder kúresi boıynsha ótetin respýblıkalyq jarystar ótedi.
Federatsııanyń málimetinshe, 2-8 aqpan aralyǵynda Almaty qalasynda «Balýan Sholaq» sport saraıynda grek-rım, erkin jáne áıelder kúresinen Qazaqstan Respýblıkasynyń VI jazǵy Spartakıadasy ótedi. Naýryz aıynda Abaı oblysy Semeı qalasynda 15-20 jas aralyǵyndaǵy jastar beldesedi. Sáýir aıynda Jetisý oblysy, Taldyqorǵan qalasynda (U17) jáne (U 23) jas toptary arasynda balýandar kezdesedi.
«Jergilikti atqarýshy organdar, atap aıtqanda dene shynyqtyrý jáne sport basqarmalary, jergilikti akkredıttelgen federatsııalar Qazaqstan kúres federatsııasynyń jazǵy Spartakıada men chempıonattar ótkizý týraly usynystaryn tolyq qoldady. Sondaı-aq, respýblıkalyq resmı jarystardy ótkizýde jan-jaqty qoldaý kórsetedi», - dep habarlady QKF baspasóz qyzmeti.
Eske salsaq, Qazaqstan kúres federatsııasy Almatyda 2-8 aqpan aralyǵynda grek-rım, erkin jáne áıelder kúresinen Qazaqstan Respýblıkasy VI jazǵy Spartakıadasynyń baǵdarlamasyn jarııalaǵan bolatyn.
Foto: olympic.kz
