Jazǵy lagerler qandaı sanıtarııalyq talaptardy saqtaýy tıis
ALMATY. QazAqparat – Almaty qalalyq Sanıtarııalyq-epıdemıologııalyq baqylaý departamenti jazǵy saýyqtyrý lagerlerine qoıylatyn talaptardy atady, dep habarlaıdy QazAqparat tilshisi.
«Sanıtarııalyq erejelerge sáıkes, lager aýmaǵy qorshalyp, obektiler turmystyq aýyzsý, ystyq sý, kanalızatsııa, jaryqtandyrý, jeldetý jáne basqa da júıelermen tolyq qamtamasyz etilýi tıis.
Barlyq úı-jaılar taza bolýy mindetti, jýǵysh jáne dezınfektsııalyq quraldardy qoldana otyryp, kúndelikti tazalaý júrgizilý kerek.
Deratızatsııa jáne dezınsektsııa sharalary júrgizilip, jándikterdiń, kenelerdiń, kemirgishterdiń bolýyna jol berilmeýi tıis.
Nysandardyń jıhazdary men jabdyqtary balalardyń ósýi jáne jas erekshelikterine sáıkes bolýy shart»,- dep habarlady departamentten.
Sondaı-aq jazǵy saýyqtyrý ornynda nysan basshysymen bekitilgen perspektıvti mázir jasalady. Tamaq ónimderin jáne azyq-túlik shıkizatyn qabyldaý olardyń sapasy men qaýipsizdigin kýálandyratyn qujattary bolǵan jaǵdaıda júzege asyrylady. Súzbe, aıran, kilegeı qosylǵan kondıterlik ónimder, qýyrylǵan ónimder, qaımaq pen maıonez qosylǵan salattar, tátti sýsyndar, fasfýdtardy óndirýge jáne satýǵa ruqsat etilmeıdi.
«Nysannyń jaýapty tulǵalary tamaqtandyrý pýnktine qabyldanǵan ónimniń sapasyn, ónimdi saqtaý jaǵdaılaryn jáne merzimderiniń saqtalýyn, táýliktik úlgini tańdaý men saqtaýdyń durystyǵyn, taǵam daıyndaý tehnologııasynyń saqtalýyn, jeke qyzmetkerler men ashana kezekshileriniń gıgıenalyq erejelerdi saqtalýyn tekseredi. Daıyn taǵamdy taratý medıtsına qyzmetkerleri daıyn taǵamdar sapasyna organoleptıkalyq baǵalaý júrgizgennen keıin júzege asyrylýy tıis. Kún saıyn as blogynda daıyn ónimniń táýliktik synamasy alynýy kerek», - dep eske saldy departament ókilderi.
Budan bólek, barlyq qyzmetkerlerdiń jumysqa qabyldanǵany týraly belgisi bar jeke medıtsınalyq kitapshalary bolý mindetti.
«Balalardyń densaýlyǵy durys teńdestirilgen tamaqtanýmen, durys uıqy, dene shynyqtyrý jáne durys uıymdastyrylǵan kúndelikti kún tártibine tikeleı baılanysty. Biz balalarymyzdyń qarapaıym ómirlik daǵdylaryn, sonyń ishinde jeke bas gıgıenasyn saqtaýdy, balalarymyzǵa qaýipsiz jáne paıdaly demalysty qamtamasyz etýimiz qajet»,- dep atap ótti epıdemıologtar.
