Jazǵy kún toqyraýy adamǵa qalaı áser etedi
ASTANA. QazAqparat – Búgin, 21 maýsym – 2023 jyldyń eń uzaq kúni. Bul jazǵy kún toqyraýymen tuspa-tus keletin astronomııalyq qubylys, dep habarlaıdy QazAqparat tilshisi.
Kún kúntizbesi boıynsha Astanada tań saǵat 4:58-de atsa, 21:33-te batady. Táýliktiń uzaqtyǵy – 16 saǵat 34 mınýt. Erteń, 22 maýsymda da aspan shyraǵy osy dıapazonda saqtalady, al 23 maýsymnan bastap Kún bir mınýttan keıin shyǵady, sáıkesinshe sol sátten bastap kún qysqaryp, tún uzara bastaıdy.
2023 jyldyń 21 maýsymyndaǵy eń qysqa túnniń uzaqtyǵy – 6 saǵat 37 mınýt boldy.
Ejelden 21 maýsym sıqyrǵa toly kún dep esepteldi, bul kúni kúsh pen sergektik artyp, adamdar ishki kúshke qol jetkizedi. Jazǵy kún toqyraýynda eń qýatty energetıkalyq kúnder keledi, ol kezde jaqsy tilek aıtyp, boı men oıdy tazartý, jomarttyq tanytyp, jaıbaraqat bolý mańyzdy.
Astrologterdiń pikirinshe, agressııa, janjal jáne ursysýdan boıdy aýlaq ustaý kerek. Osy kúni alynǵan Kúnniń energııasy men jaǵymdy kóńil kúı úsh aıdan alty aıǵa deıin jetýi múmkin.
