Jazǵy demalysqa dep 6,5 kg teńge jınaǵan oqýshy ony Arys balalaryna joldady

ARYS. QazAqparat - Túrkistan oblysy, Sozaq aýdanynda turatyn oqýshy Serikbolsyn Amanbaıuly jazǵy demalysyna dep jınaǵan 6,5 keli teńgesin Arys qalasyndaǵy balalarǵa tartý etti. Onyń bir jyl boıy jınaǵan aqshasy 54 myń 360 teńgeni quraǵan, dep habarlaıdy QazAqparat tilshisi.

Súgir Áliuly atyndaǵy jalpy orta mekteptiń 5-shi synyp oqýshysy qomaqty aqshasyn Arys qalasynda júrgen jaýapty mamandarǵa tapsyrǵan. Jetkinshek aqshany berip jatqan kezde teńgeni ne úshin jınap júrgenin túsindirip ketken.

«Jazda demalys kezinde Shymkent qalasyna qydyramyn dep jınaǵan bolatynmyn. Biraq Arys qalasyndaǵy jaǵdaıdy estip, ózim sııaqty balalarǵa bergen durys dep sheshtim» - deıdi Serikbolsyn Amanbaıuly.