Jazǵy demalys maýsymynda Alakól aımaǵyna 11 poıyz qatynaıdy

NUR-SULTAN. QazAqparat tilshisi - Bıyl jazǵy demalys maýsymynda Alakól aımaǵyna 11 jolaýshylar poıyzy qatynaıdy, dep habarlaıdy QazAqparat tilshisi rail-news.kz saıtyna silteme jasap.

Naqtylaı aıtqanda, Almatydan aptasyna eki ret «Jolaýshylar tasymaly» AQ-nyń Talgo «Almaty-2-Dostyq» júrdek poıyzy qatynasa, týra osy quramnyń júrdek emes jaı poıyzy da osyndaı jıilikpen qatynaıdy.

Sonymen qatar jup kúnderi «Almaty-2-Dostyq» poıyzynyń aýysyp otyrýǵa bolmaıtyn vagondary, «Vagonservıs Almaty» JShS-nyń «Almaty-Dostyq» poıyzdary aptasyna 3 ret, «TuranEkspress» JShS-nyń «Almaty-2- Dostyq» poıyzy da aptasyna úsh ret Alakólge baryp keledi.

«Al Nur-Sultan qalasynan «Jolaýshylar tasymaly» AQ- nyń 2 poıyzy aptasyna 2 ret jáne jeke tasymaldaýshynyń 1 poıyzy jup kúnderi Nur-Sultan-1 jáne Nur-Sultan-Nurly jol stantsııalarynan Dostyqqa qatynaıdy. Shyǵys Qazaqstan oblysynan «Jolaýshylar tasymaly» AQ-nyń «Semeı-Dostyq», «Óskemen -Dostyq» baǵdarlary boıynsha poıyzdary taq kúnderi jáne «Aqtoǵaı-Dostyq» poıyzy kún saıyn júretin bolady», - delingen jarııalanymda.

Aıta keteıik, buǵan deıin Alakólge demalýshylardy jańarǵan vagondar tasymaldaıtynyn habarlaǵan bolatynbyz.