Jazǵy demalys qarsańynda elordalyq polıtseıler oqýshylardy qaýipsizdikke shaqyrady
ASTANA. QazAqparat - Astanalyq polıtseıler «Nazar aýdaryńyz - balalar!» jedel aldyn alý sharasy sheńberinde JKO saldarynan zardap shekken balalarǵa jaryq shaǵylystyratyn bilezikter syılady.
ІІD Ákimshilik polıtsııa basqarmasynan astana.kz saıtyna habarlaǵandaı, búgingi tańda 28 jol-kólik oqıǵasynda 27 bala túrli jaraqattar aldy, bireýi kóz jumdy. Sonyń ishinde 23-i joldyń tyıym salynǵan bólikterinen ótse, kámeletke tolmaǵan tórteýi ata-analardyń balalarǵa arnalǵan ustaý zattarynsyz tasymaldaýy saldarynan jaraqattar aldy.
«Osy kúnderi apat saldarynan 10 jasar qyz-jolaýshy kóz jumdy. Bul kólikte de balalarǵa arnalǵan avtokreslo bolmaǵan», - dedi ІІD Ákimshilik polıtsııa basqarmasynyń qyzmetkeri Larısa Krasnıkova.
Búgin №2 qalalyq balalar aýrýhanasynda JKO saldarynan zardap shekken balalarmen jáne ata-analarmen aldyn alý aktsııasy ótkizildi. Sharanyń maqsaty - eresekter men balalarǵa kóshe-joldarda jol qaýipsizdigi erejelerin saqtaýdy eske salý. Jazda balalar kóp ýaqytyn dalada ótkizedi, keıde qarapaıym jol erejeleri týraly umytyp ta ketedi. Jol qozǵalysynyń jas ınspektorlary komandasyndaǵy balalar taqyryptyq sahnalyq qoıylymdar kórsestip, oıyn túrinde jáne bárine de túsinikti úlgide kóshede qalaı júrý kerek ekendigi týraly túsindirdi, sodan keıin qatysýshylarǵa jaryq shaǵylystyratyn bilezikter taratty.
Kóptegen sheteldik zertteýler dáleldegendeı, jaryq shaǵylystyratyn kıim kııý jáne zattardy alyp júrý - qarańǵy kezde joldarda ózin baıqatýdyń qarapaıym jáne tıimdi ádisterdiń biri. Bul bilim mekemelerinde ótkiziletin jol qozǵalysy týraly ádettegi áńgimeler men dástúrlerdiń tıimdiligin, sondaı-aq, kıim-keshekte jaryq shaǵylystyratyn elementterdiń bolýynyń qajettiligin arttyrady. Óz kezeginde bul jol qozǵalysy qaýipsizdigi jaǵdaıyna áserin tıgizedi, dep sanaıdy polıtseıler.
Eske salaıyq, 20-30 mamyrda Astanada mektep demalysy qarsańynda kámeletke tolmaǵandardyń qatysýymen JKO-nyń aldyn alýǵa, joldarda qalalyq kóshelerinde balalardyń qaýipsiz qozǵalysynyń mashyqtaryn bekitýge baǵyttalǵan «Nazar aýdaryńyz, balalar» jedel aldyn alý sharasy ótip jatyr.
