Jazǵy Azııa oıyndarynda Qazaqstannyń aýyr atletteri 3 altyn medal alýdy josparlap otyr - bapker Vılorıı Pak
ALMATY. Qazannyń 13-i. QazAqparat /Erlik Erjanuly/ - Qarasha aıynda Qytaıdyń Gýandjoý qalasynda ótetin jazǵy Azııa oıyndaryna Qazaqstan namysyn qorǵaıtyn aýyr atletterdiń baby jaman emes. Bul týraly búgin Almatyda QR «Dınamo» dene shynyqtyrý jáne sport qoǵamynyń 85 jyldyq mereıtoıyna arnalǵan baspasóz máslıhatynda aıtyldy.
«Álem chempıonaty men Azııa oıyndaryna daıyndyq qańtardyń 16-synda bastalǵan bolatyn. Álem chempıonatynda jigitter úzdik nátıjege qol jetkize almady. Sportshylardy zoryqtyryp jibergen sııaqtymyz. Qazir olar babyna qaıta kele bastady», - deıdi QR Eńbek sińirgen jattyqtyrýshysy Vılorıı Pak. Ulttyq quramanyń aǵa bapkeriniń aıtýynsha, Azııa oıyndarynda qazaqstandyqtar 3 altyn medal alýdy josparlap otyr. Jalpy sportta kezdeısoqtyq degen bolmaıdy. Sportshynyń baǵyn ashatyn - talant. Qazir daryndy jastar kóp. Bapkerler qazir irikteý júrgizýge múmkindik alyp otyr.
