Jazǵy Azııa oıyndaryna Qyzylordadan 13 sportshy qatysady
ASTANA. QazAqparat - Indonezııanyń Djakarta qalasynda ótetin XVIII jazǵy Azııa oıyndaryna Qyzylorda oblysynan 13 sportshy barady, dep habarlaıdy QazAqparat tilshisi.
Oblystyq sport basqarmasynyń baspasóz hatshysy Laýra Shonǵalovanyń taratqan málimetterine súıensek, qazirgi tańda Azıada oıyndarynda óńirdiń 13 sportshysy 6 sport túrinen baqtaryn synamaq.
Atap aıtsaq, baıdarka jáne kanoede esýden Mereı Mıerbekov, karate-dodan Móldir Jańbyrbaı, taekvondodan Aınur Esbergenova, belbeý kúresinen Araılym Qanzada, Nurlybek Aldabergenov, stend atýdan Maksım Kolomoets, gandboldan Dana Ábilda, Marııa Pýpchenkova, Tatıana Davydova, Natalıa Ilına, Jannat Áıtenova, Vıktorııa Kolotınskaıa, Veronıka Hardına qatysady.
Aıta keteıik, 2014 jyly Koreıanyń Inchhon qalasynda ótken XVII Azııa oıyndarynda qyzylordalyq sportshylar arasynda aýyr atletıkadan Almas Óteshov kúmis júldeni ıelense, gandboldan Evgenııa Tsýpenkova, Vıktorııa Kolotınskaıa, Natalıa Ilına Qazaqstan qurama sapynda óner kórsetip, qola júldeni enshilegen bolatyn.
Esterińizge sala keteıik, Djakartada ótetin Azııa oıyndarynda 462 medaldar jıyntyǵy sarapqa salynady. Qazaqstannan 419 sportshy sporttyń 38 túrinen jarys jolyna shyǵady.
Azııa oıyndaryna qatysatyn oblys sportshylary:
Mereı Medetov
Sporttyq ataǵy: baıdarka jáne kanoede esýden QRHDSSh
Sporttyq jetistikteri: birneshe dúrkin Qazaqstan jeńimpazy, Azııa chempıonatynyń qola júldegeri (2013), Álem kýbogynyń kúmis júldegeri (2017), Azııa chempıony (2017).
Jattyqtyrýshysy: Muhıtdın Mıerbekov
Móldir Jańbyrbaı
Sporttyq ataǵy: karate-dodan QRHDSSh
Sporttyq jetistikteri: QR chempıonatynyń birneshe dúrkin jeńimpazy, respýblıkalyq jáne halyqaralyq týrnırlerdiń jeńimpazy, 3 ret Azııa (2013, 2017, 2018), 3 ret Álem chempıony (2015, 2016 -2 ret).
Jattyqtyrýshysy: QRESJ Rústem Ábjámıev.
Aınur Esbergenova
Sporttyq ataǵy: taekvondodan QRSSh
Sporttyq jetistikteri: 2 dúrkin QR jeńimpazy, 2016 jylǵy Olımpıada oıyndarynyń qatysýshysy, Islam oıyndarynyń kúmis júldegeri (2017).
Jattyqtyrýshysy: Nıkolaı Kýrnoskın.
Maksım Kolomoets
Sporttyq ataǵy: stend atýdan QRHDSSh
Sporttyq jetistikteri: QR 7 dúrkin jeńimpazy, stýdentter arasynda Álem chempıonatynyń qola júldegeri (2012), Azııa chempıonatynyń qola júldegeri (2014).
Araılym Qanzada
Sporttyq ataǵy: belbeý kúresinen QRSSh
Sporttyq jetistikteri: QR jeńimpazy, jastar arasynda Álem chempıonatynyń qola júldegeri (2017)
Jattyqtyrýshysy: Ábdisattar Sadyqov.
Nurlybek Aldabergenov
Sporttyq ataǵy: belbeý kúresinen QRSSh
Sporttyq jetistikteri: 5 dúrkin QR jeńimpazy, jastar arasynda Azııa chempıonatynyń kúmis júldegeri (2012), Álem chempıonatynyń qola júldegeri (2017), Álem kýbogynyń kúmis júldegeri (2017).
Jattyqtyrýshysy: Ábdisattar Sadyqov.
Gandbol. «Qaısar KAM-QMÝ» GK
Qazaqstan ulttyq qurama komanda sapynda oınaıtyn oblys sportshylary: Dana Ábilda, Marııa Pýpchenkova, Tatıana Davydova, Natalıa Ilına, Jannat Áıtenova, Vıktorııa Kolotınskaıa, Veronıka Hardına.
Komanda kapıtany: Dana Ábilda.
Sporttyq jetistikteri: gandboldan 11 dúrkin QR jeńimpazy, 4 márte Jastar sport oıyndarynyń jáne 3 márte QR spartakıadasynyń jeńimpazy, klýbtar lıgasynyń 1-shi Azııa chempıony, Azııa chempıony, Azııa oıyndarynyń kúmis júldegeri, Álem jáne Olımpıada oıyndarynyń qatysýshysy.
Jattyqtyrýshysy: QRESJ Vıacheslav Kım.
