Jazǵy Ýnıversıada: Krıstına Ovchınnıkova bıiktikke sekirý saıysynan fınalǵa ótti

ASTANA. KAZINFORM - Jeńil atletıkadan Qazaqstan quramasynyń ókili Krıstına Ovchınnıkova Germanııada ótip jatqan 2025 jylǵy Ýnıversıada oıyndarynyń fınalyna joldama aldy.

Sportshy bıiktikke sekirý saıysynyń irikteý kezeńinen sátti ótti.

Krıstına Ovchınnıkova 2001 jyly Almaty qalasynda dúnıege kelgen. Qazirge deıin jabyq ǵımarattaǵy Azııa oıyndarynda 2023 jyly kúmis júldeger atansa, 2021 jyly Islam yntymaqtastyǵy oıyndarynda úzdik úshtikti túıindedi. 

Aıta keteıik, osy baǵdarlamada Elızaveta Matveeva da baq synaǵan edi. Alaıda ol irikteý kezeńinen óte almady.

Fınal búgin, 26 shildege belgilengen.

Qazirge deıin el quramasynan taekvondoshy Samırhon Ababakırov altyn alsa, Damır Shúlenov, Tamırlan Tileýles, Batyrhan Tóleýǵalı, Beıbarys Kablan jáne Nodıra Ahmedova qola júldeger atandy. Elimizdiń taekvondodan aralas quramasy Ýnıversıada oıyndarynyń qola júldegeri boldy. Qurama sapynda Beıbarys Qabylan, Samırhon Ababakırov, Aıdana Súndetbaı jáne Nazym Mahmýdova synǵa tústi.

Oǵan qosa kórkem gımnastıkadan Aıbota Ertaıqyzy úzdik úshtikten kórindi.

Baıraqty básekede el namysyn 12 sport túri boıynsha 76 sportshy qorǵaıdy.

Dúnıejúzilik doda 16-27 shilde aralyǵynda Germanııanyń Reın-Rýr óńirinde ótedi.