Jazǵy maýsymda týrıstik baǵyttaǵy Talgo poıyzdaryna 20% jeńildik beriledi
ASTANA.KAZINFORM — Bıylǵy jyldyń 25-30 maýsym aralyǵynda «Jolaýshylar tasymaly» AQ Almaty – Dostyq baǵyty boıynsha qatynaıtyn №207/208 jáne №211/212 Talgo poıyzdarynyń «Týrıst» sanatyndaǵy vagondaryna jol júrý bıletterin 20% jeńildikpen usynady. Bul týraly «Jolaýshylar tasymaly» AQ baspasóz qyzmeti málim etti.
— Jeńildik tómengi jáne joǵarǵy oryndardyń barlyǵyna qoldanylady. Atalǵan baǵyt Jetisý óńiriniń kórikti aımaqtary arqyly ótedi jáne jaz mezgilinde Alakól jaǵalaýyna demalýǵa baratyn jolaýshylar arasynda suranysqa ıe baǵyttardyń biri, — delingen habarlamada.
Jeńildikpen bıletterdi bilet.railways.kz resmı saıty arqyly, «Jolaýshylar tasymaly» AQ bılet kassalarynan, sondaı-aq, mobıldi bılet satý servısteri arqyly alýǵa bolady.
Qosymsha aqparatty jolaýshylar 1433 tegin baılanys nómiri arqyly ala alady.
Aıta keteıik, jazda Alakólge qatynaıtyn qosymsha poıyzdar sany artady.
