Jazǵy maýsymda 11 baǵyt boıynsha qosymsha poıyzdar qatynaıtyn bolady

ASTANA. KAZINFORM — Ulttyq tasymaldaýshy jazǵy maýsymda 11 qosymsha temirjol baǵytyn iske qosady. Bul týraly kompanııanyń baspasóz qyzmeti málim etti. 

— Bul sheshim jolaýshylardyń demalys maýsymyndaǵy joǵary suranysyn qanaǵattandyrý maqsatynda qabyldandy. Jańa poıyzdar qozǵalys kestesine engizilip, birqatar baǵyttar boıynsha qatynaý jıiligi arttyrylatyn bolady, — delingen habarlamada. 

2025 jylǵy maýsym men qyrkúıek aılary aralyǵynda tómendegi poıyzdar qatynaıtyn bolady:

3 talgo quramy, 5 standartty poıyz jáne 3 poıyzǵa qosymsha vagondar jalǵanady:

1.№ 253/254 «Astana — Dostyq» (Talgo) poıyzy aptasyna 2 ret qatynaıdy.
2.№ 207/208 «Almaty — Jalanashkól» (Talgo) poıyzy belgilengen kúnderde qatynaıdy.
3.№ 211/212 «Almaty — Dostyq» (Talgo) poıyzy kúnara qatynaıdy.
4.№ 221/222 «Almaty — Dostyq» poıyzy aptasyna 3 ret qatynaıdy.
5.№ 457/458 «Semeı — Dostyq» poıyzy kúnara qatynaıdy.
6. № 459/460 «Óskemen — Dostyq» poıyzy kúnara qatynaıdy.
7.«Almaty — Dostyq» baǵytyndaǵy poıyzda qosymsha vagondar kúnara qatynaıdy.
8.«Qyzylorda — Dostyq» baǵytyndaǵy poıyzda qosymsha vagondar kúnara qatynaıdy.
9.«Pavlodar — Dostyq» baǵytyndaǵy poıyzda qosymsha vagondar kúnara qatynaıdy.
10.№ 201/202 «Astana — Almaty» poıyzy kún saıyn júredi.
11.№ 203/204 «Astana — Shymkent» poıyzy kún saıyn júredi.

Qosymsha poıyzdardyń iske qosylýy 270 000-nan astam jolaýshyny tasymaldaýǵa múmkindik beredi.

Eske sala keteıik, buǵan deıin qandaı zattardy poıyzda tasymaldaýǵa zańmen tyıym salynǵanyn jazǵan bolatynbyz.