Jazǵy lagerler men saýyqtyrý ortalyqtary týraly tsıfrlyq platforma ázirlenedi
ASTANA. KAZINFORM – Balalardy lagerlermen, úıirmelermen, sektsııalarmen, saýyqtyrýmen qamtý boıynsha biryńǵaı elektrondyq platforma qajet. Premer-Mınıstr Oljas Bektenov bul baǵytta jalpy aqparattyq-túsindirý deńgeıi tómen ekenin aıtýda.
«Ata-analar lagerler men balalarǵa arnalǵan bos ýaqyt ótkizý oryndary týraly tolyqqandy aqparatqa qol jetkize almaıtynyna shaǵymdanady. Olardyń alańdaýshylyǵyn túsinýge bolady – bári de balasyn qaıda jiberetinin jáne onda qandaı jaǵdaılar jasalǵanyn aldyn ala bilgisi keledi. Bul baǵyttaǵy jumysty baqylaý jetkiliksiz. Mundaı aqparatty qamtıtyn tsıfrlyq platforma joq», - dedi O. Bektenov Úkimet otyrysynda.
Onyń aıtýynsha, Oqý-aǵartý, Mádenıet jáne aqparat, Tsıfrlandyrý mınıstrlikteri balalardy lagerlermen, úıirmelermen, sektsııalarmen, saýyqtyrýmen jáne bos ýaqytty ótkizýmen qamtý boıynsha biryńǵaı elektrondyq platforma qurý jumysyn aıaqtaǵany jón.
Platformada barlyq obektiler týraly tolyq aqparat bolýǵa tıis.
Aıta keteıik, bıyl elimizde 10 myńnan astam demalys ornynda 3 mln-ǵa jýyq bala jazǵy demalysyn ótkizedi.
Ásirese, tasqyn sý bolǵan óńirlerdiń balalary saýyqtyrý ortalyqtaryna jiberiledi.
Buǵan deıin Premer- Mınıstr balalardyń jazǵy demalysyn uıymdastyrýdy synǵa alǵan edi.
