Jazǵy kanıkýl kezinde saılaýshylar tizimindegi stýdentter naqtylanbaq
ASTANA. KAZINFORM – QR Ortalyq saılaý komıssııasynyń tóraǵasy Nurlan Ábdirov aldaǵy saılaý kezinde stýdentterdiń tizimin naqtylaýǵa qatysty tapsyrma berdi.
Atap aıtqanda, búgin OSK otyrysynda 2026 jylǵy 23 tamyzǵa taǵaıyndalǵan Qazaqstan Respýblıkasy Quryltaıynyń depýtattaryn saılaýda saılaýshylar tizimderin saılaý komıssııalaryna usyný máselesi qaraldy.
- Qazir jaz kezin eskere otyryp, eresekter eńbek demalysyna shyǵyp, el aralaıdy. Sonymen qatar qatar jastar kanıkýlda. Osy oraıda aýmaqtyq saılaý komıssııalary tıisti jumysty kúsheıtýi kerek. Habardar etýge erekshe mán bergen jón. Óıtkeni stýdenterdiń basym bóligi qazir Astana men Almatyda emes, ıaǵnı ózderiniń turaqty mekenjaıynda nemese saparda bolýy múmkin. Sondyqtan búgin tirkeýden alý týraly taqyrypty qaraımyz. Tizimderdi aldyq. Endi osy boıynsha jumysty jalǵastyrý kerek - dedi N.Ábdirov.
Sonymen qatar OSK tóraǵasy birinshi kýrsqa oqýǵa túsken stýdentter tizimnen qalyp qoımaýy kerek ekenin aıtty.
- Stýdentterge nazar aýdarý kerek, - dedi Nurlan Ábdirov.
Aıta ketelik, Quryltaı depýtattaryn saılaý aıasynda 7 saıası partııa saılaýaldy shtabtaryn ashqan edi.
