Jazǵy kanıkýl: «Qazaqstan halqyna» qorynyń qoldaýymen 10 myń bala tegin demalady

ASTANA. KAZINFORM – Balalardyń jazǵy demalysyn uıymdastyrý maqsatynda respýblıkalyq jáne óńirlik shtabtar quryldy. Bul týraly Oqý-aǵartý mınıstri Ǵanı Beısembaev málim etti.

- Balalardyń jazǵy demalysy jumystary 9 memlekettik organnyń birlesken jospary aıasynda uıymdastyrylady. Osy maqsatta respýblıkalyq jáne óńirlik shtabtar quryldy. Kanıkýl kezinde balalardyń saýyqtyrý demalysyn, bos ýaqytyn jáne eńbekpen qamtylýyn uıymdastyrý boıynsha biryńǵaı ádistemelik usynymdar ázirlendi, - dedi Ǵanı Beısembaev Úkimet otyrysynda. 

Mınıstrdiń málimdeýinshe, búginde óńirlermen birlesip barlyq demalys ortalyǵynyń tizimi ázirlendi jáne olardyń daıyndyǵy respýblıkalyq shtabtyń otyrystarynda qaraldy. 

- Sanıtarııalyq normalardyń, tamaq qaýipsizdigi talaptarynyń, sondaı-aq sýda, ormandy jerlerde jáne sport obektilerinde qaýipsizdik erejelerin saqtaý boıynsha baqylaý kúsheıtildi. «Qazaqstan halqyna» qorynyń qoldaýymen «Jazdyq joldama» jobasy sheńberinde 10 myń bala tegin demalýǵa múmkindik alady. Olardyń ishinde – halyqtyń áleýmettik osal toptarynan jáne aýyldyq jerlerdegi kóp balaly otbasylardan shyqqan balalarǵa basymdyq beriledi, - deıdi vedomstvo basshysy. 

Buǵan deıin jazǵy demalys kezinde oqýshylardyń qaı sanattary tegin ońaltýdan ótetini týraly jazǵan edik.