Jazǵy dóńgelekpen júrgen júrgizýshilerge qansha aıyppul salynady
Kólik júrgizýshileri 1 jeltoqsan men 1 naýryz aralyǵynda qysqy dóńgelekpen júrýge mindetti. Tehnıkalyq reglament talaby osyndaı. Bul týraly ÓKQ brıfınginde Saltanat Ázirbek aıtty, dep habarlaıdy Kazinform.
Spıkerdiń sózinshe, tártip saqshylary QR Ákimshilik kodeksiniń 590-babynyń 5-bóligi boıynsha qysqy ýaqytta jazǵy dóńgelekpen júrgen júrgizýshige aıyppul salýǵa quqyly.
Bul aıyppuldyń eń tómengi mólsheri — 5 AEK, eger bir jyl ishinde júrgizýshi osyndaı zańbuzýshylyqty qaıta jasasa, onda aıyppul 10 AEK-ke deıin artady.
«Qys taıap qaldy, sondyqtan 1 jeltoqsannan 1 naýryzǵa deıin bizdiń barlyq kólikterimiz qysqy rezeńkege aýysýy kerek. Bul — qaýipsizdik talaptary, óıtkeni iri megapolıste alǵashqy jaýyn-shashynnan keıin alasapyran bastalady. Onyń sebebi — júrgizýshiler qys mezgiline daıyn emes», — deıdi Saltanat Ázirbek.
Ol júrgizýshilerdi aldyn ala qamdanyp, kólikti qys kezine erterek daıyndaýǵa shaqyrdy.
Polıtseıler 1 qarashada osy baǵyttaǵy profılaktıkalyq jumysty bastady.
