Jazǵy Azııa oıyndarynyń bastalýyna 30 kún qaldy

Azııa Olımpıada keńesiniń habarlaýynsha, Japonııadaǵy jazǵy Azııa oıyndaryna sary qurlyqtyń 45 eli men aımaǵynan 11 000-nan astam sportshy, sondaı-aq halyqaralyq sport uıymdarynyń shamamen 6000 delegatsııasy men laýazymdy tulǵalary qatysady dep josparlanǵan. 

Oıyndarda 43 sport túrinen 469 medaldar jıyntyǵy sarapqa salynady. Іs-sharalarǵa qyzmet kórsetý jáne habar taratýǵa shamamen 10 200 erikti jáne 5300 tirkelgen BAQ qyzmetkeri qatysady.

QR Týrızm jáne sport mınıstrliginiń habarlaýynsha, Qazaqstan quramasy sporttyń 35 túrinen synǵa túsýdi josparlap otyr. Quramanyń aldyn ala tizimine 571 sportshy engen. Bul Hanchjoýda ótken aldyńǵy Azııa oıyndaryndaǵy kórsetkishten joǵary. Ol kezde Qazaqstan atynan 523 sportshy óner kórsetken edi.

Eske salaıyq, HX jazǵy Azııa oıyndary 2026 jyldyń 19 qyrkúıek pen 4 qazan aralyǵynda Japonııanyń Aıchı prefektýrasy men Nagoıa qalasynda ótedi, oıyndardyń urany — Imagine One Asia («Birtutas Azııany elestet»).

Aıta keterligi, 1958 jylǵy Tokıodaǵy Azııa oıyndary men 1994 jylǵy Hırosımadaǵy Azııa oıyndarynan keıin Japonııa osymen úshinshi ret jazǵy Azııa oıyndaryn ótkizip otyr. 

Osyǵan deıin habarlaǵanymyzdaı, Aıchı-Nagoıa-2026 Azııa oıyndary medaldary tanystyryldy.