Jazǵy Azııa oıyndarynda qazaqstandyq padelshiler baq synaıdy
ASTANA. KAZINFORM — Japonııada 19 qyrkúıek — 4 qazan aralyǵynda ótetin HH Azııa oıyndarynda qazaqstandyq padelshiler óner kórsetedi.
Qazaqstan ulttyq padel federatsııasynyń baspasóz qyzmetinen málim etkenindeı, aldaǵy oıyndardyń qazaqstandyq padel úshin mańyzy erekshe. Óıtkeni bıyl osy sport túri jazǵy Azııa oıyndarynyń baǵdarlamasyna alǵash ret engizilgen bolatyn.
Qazaqstan namysyn Japonııada tórt jup (eki erler, eki áıelder) qorǵaıdy.
Qazaqstan ulttyq padel federatsııasynyń prezıdenti Arslan Ábilǵazınniń aıtýynsha, Azııa oıyndaryna qatysý — tarıhı oqıǵa jáne úlken jaýapkershilik.
— Qazaqstan Azııanyń iri sport arenasynda padelden ózin kórsetýge múmkindik aldy. Biz padeldi damytýdy belsendi qoldaǵany úshin Týrızm jáne sport mınıstrligine, sondaı-aq Ulttyq olımpıada komıtetine rızamyz. Qazirgi basty mindetimiz — Azııa oıyndaryna sapaly daıyndalyp, laıyqty óner kórsetý úshin sportshylarǵa barlyq qajetti jaǵdaılardy jasaý, — dedi A.Ábilǵazın.
Padelden Qazaqstan ulttyq quramasynyń HH jazǵy Azııa oıyndaryna daıyndyǵy bekitilgen josparǵa sáıkes ótip jatyr. Daıyndyq aıasynda sportshylar halyqaralyq jarystarda baq synap, ıspanııalyq bapkerdiń basshylyǵymen oqý-jattyǵý jıyndaryna qatysýda.
Eske sala keteıik, budan buryn qazaqstandyq jas padelshilerdiń halyqaralyq týrnırde top jarǵanyn jazǵan edik.
