Jazǵy Azııa oıyndary: Qazaqstan quramasy sportshylar sherýine qatysty
NAGOıA.KAZINFORM — Japonııanyń Nagoıa qalasynda XX jazǵy Azııa oıyndarynyń ashylý saltanaty ótip jatyr.
Shara áserli kórsetilimnen bastalyp, keıin Japonııanyń memlekettik gımi jandy daýysta oryndalyp, memleket týy kóterildi.
Ary qaraı sharany sportshylar sherýi jalǵastyrdy. Qazaqstan quramasynyń kók baıraǵyn dzıýdodan Olımpıada chempıony Eldos Smetov pen ústel tennısinen ulttyq qurama múshesi Sarvınoz Mırkadırova ustap shyqty.
Aıta keteıik, saltanatty ashylý sharasy 30 myń kórermenge arnalǵan Nagoya City Mizuho Park Athletic Stadium stadıonynda ótip jatyr.
Osyǵan deıin habarlaǵanymyzdaı, ashylý saltanaty baǵdarlamasy yqshamdylyqqa baǵyttalǵan: emotsıonaldy áserge basa nazar aýdarý maqsatynda qoıylymdar, rekvızıtter men sahnalyq qurylymdar meılinshe qarapaıym ári jınaqy etip jasalýda. Sportshylar sherýine keń oryn bólinip, nazardyń ártúrli elder men aımaqtardan kelgen qatysýshylarǵa aýdarylýy qamtamasyz etiledi.
Túptep kelgende, tómen kómirtekti turaqtylyq qaǵıdattaryn pash ete otyryp, saltanatty sharanyń árbir bólsheginde únemshildik pen qorshaǵan ortaǵa degen jaýapkershilik kórinis tabady.
Eske salaıyq, HX jazǵy Azııa oıyndary 2026 jyldyń 19 qyrkúıek pen 4 qazan aralyǵynda Japonııanyń Aıchı prefektýrasy men Nagoıa qalasynda ótedi, oıyndardyń urany — Imagine One Asia («Birtutas Azııany elestet»).
Baıraqty básekede Qazaqstan ulttyq quramasynyń sapynan 558 sportshy baq synaıdy.
