Jazdyń sońǵy kúnderi aýa raıy qandaı bolady

NUR-SULTAN. QazAqparat – «Qazgıdromet» RMK 30 tamyz – 1 qyrkúıek aralyǵyndaǵy aýa raıy boljamyn usyndy, dep habarlaıdy QazAqparat.

«Aýqymdy Soltústik-batys antıtsıklonynyń yqpalynan aldaǵy úsh táýlikte elimizdiń basym bóliginde jaýyn-shashyn bolmaıdy. Tek respýblıkanyń ońtústik-shyǵysynda jáne taýly aýdandarynda, 31 tamyz - 1 qyrkúıekte soltústikte, Batys Qazaqstan oblysynyń batysynda, 1 qyrkúıekte Qostanaı, Soltústik Qazaqstan oblystarynda jańbyr kútiledi, naızaǵaı oınaıdy, jel kúsheıedi.

Aýa temperatýrasy odan ári kóterilýi yqtımal, kúndiz termometr baǵany elimizdiń basym bóliginde 25-35, batysta jáne ońtústikte 30-38 gradýsqa jetedi», - delingen sınoptıkter habarlamasynda.