Jazdyń bes kúninde 17 adam sýǵa ketti: Álıhan Smaıylov jaǵdaıǵa alańdaýshylyq tanytty
«Qazgıdromettiń boljaýynsha, bıyl jaz jyldaǵydan ystyq bolady. Ásirese elimizdiń batysy men shyǵysynda jáne ońtústiginde aptap ystyq birazǵa deıin saqtalmaq. ıAǵnı, sýǵa baryp demalýshylardyń sany da artady degen sóz. Jaz endi bastaldy, al elimizdiń sý aıdyndarynda qaza tapqandar sany ulǵaıyp barady. Tótenshe jaǵdaılar mınıstrliginiń málimeti boıynsha jazdyń birinshi kúni ǵana 4 adam sýǵa ketip, mert boldy. Bir kúnde 9 adam sýǵa batyp, 3 adamnyń denesi áli tabylǵan joq. Keshe taǵy 4 adam sýǵa batyp ketti», - dedi Álıhan Smaıylov Úkimet otyrysynda.
Premer-mınıstrdiń aıtýynsha, qaıǵyly oqıǵalardyń deni shomylýǵa ruqsat etilmegen jaǵajaılarda oryn alǵan.
«Bul shynymen de alańdatarlyq jaǵdaı. Qazir shomylý maýsymyna daıyndyq jumystary jalǵasyp jatyr. Óńirlerde shomylýǵa qajetti arnaıy oryndar jabdyqtalyp, jańa jaǵajaılar salynyp jatyr. Sondaı-aq, qaýipsizdikti qamtamasyz etý úshin profılaktıkalyq jumystar júrip jatyr. Soǵan qaramastan sýdaǵy qaıǵyly jaǵdaılar azaımaı otyr. Ókinishke qaraı, elimizde jyl saıyn 300-ge jýyq adam sýǵa ketip, qaıtys bolady. Onyń 100-ge jýyǵy - balalar. Bul qabyldanyp jatqan sharalardyń jetkiliksiz ekenin kórsetedi», - deıdi ol.