Jazdyń jyly lebi qaıtady: 1 qazanda jańbyr jaýyp, kún sýytady
ASTANA. KAZINFORM — «Qazgıdromet» RMK baspasóz qyzmeti 2026 jylǵy 29 qyrkúıek — 1 qazanǵa arnalǵan Qazaqstan boıynsha aýa raıy boljamyn jarııalady.
Sınoptıkterdiń málimetinshe, 29–30 qyrkúıekte respýblıkanyń basym bóliginde atmosferalyq qysymy joǵary óristiń áseri saqtalady. Osyǵan baılanysty jaýyn-shashynsyz, negizinen ashyq aýa raıy kútiledi.
— 1 qazanda atmosferalyq fronttardyń áserinen Qazaqstannyń basym bóliginde aýa raıy turaqsyz bolady. Jańbyr, naızaǵaı kútilip, jel kúsheıedi. Túngi jáne tańerteńgi saǵattarda keı jerde tuman boljanady. Eldiń soltústik jartysynda 1–3°C aıaz saqtalady. Kúndiz aýa temperatýrasy eldiń soltústik jartysynda +15…+23°C bolady. Ońtústik jartysynda aýa temperatýrasy +20…+25°C-tan +15…+23°C-qa deıin tómendeıdi. Taýly aýdandarda +10…+15°C-tan +8…+13°C-qa deıin tómendeýi kútiledi, — delingen habarlamada.
Buǵan deıin Shyǵys Qazaqstanda kúzdiń alǵashqy aıynda aýa raıy qubylmaly bolatynyn jazǵanbyz.
