Jazdyń sońǵy kúnderi kún raıy qandaı bolady
ASTANA. KAZINFORM – Jazdyń sońǵy kúnderinde atmosferalyq fronttyń ótýine baılanysty elimizdiń basym bóliginde jańbyr jaýyp, naızaǵaı oınap, ekpindi jel soǵyp, burshaq jaýady.
Kezeńniń sońyna qaraı elimizdiń soltústigi men shyǵysynda túngi ýaqytta jańbyr men qar túrindegi jaýyn-shashyn boljanady.
29 tamyzda Aqmola, Qostanaı jáne Qaraǵandy oblystarynda, 30–31 tamyzda Pavlodar jáne Shyǵys Qazaqstan oblystarynda nóser jańbyr jaýady.
Tek elimizdiń batysynda jaýyn-shashynsyz aýa raıy saqtalady. Batysta, soltústik-batysta, soltústikte jáne shyǵysta túnde jáne tańerteń tuman túsedi.
Aýa temperatýrasy:
Elimizdiń batysynda kúndiz aýa temperatýrasy 18–23°-tan 25–30°-qa deıin kóteriledi. Mańǵystaý oblysynda aıtarlyqtaı ózgeris bolmaıdy: kúndizgi temperatýra 25–35° shamasynda saqtalady.
Soltústik-batysta, soltústikte jáne elimizdiń ortalyǵynda aýa temperatýrasynyń tómendeýi kútiledi: túnde 10–15°-tan 0–5°-qa deıin tómendeıdi. Kezeń sońynda keı jerlerde 3°-qa deıin úsik kútiledi. Kúndizgi temperatýra 15–25°-tan 10–15°-qa deıin tómendeıdi.
Elimizdiń shyǵysynda da aýa temperatýrasy tómendeıdi. Túnde 10–15°-tan 5–10°-qa deıin, kúndiz 25–35°-tan 15–25°-qa deıin tómendeıdi.
Qazaqstannyń ońtústik óńirlerinde aýa temperatýrasy túnde 10–20°, kúndiz 25–35° jyly bolady.
Aıta ketelik búgin 5 qalada jaısyz meteorologııalyq jaǵdaı qalyptasatyny týraly jazǵan edik.
